مساء الورد..
مساء الجووري..
إستشير القلب دامكـ تشعـر إنـكـ مستشـار
ولا تظن عيوني أبدا غيـر عينـكـ تستشيـر
لا تحسـب إنـي أراوغ أو أمانـع أي قـرار
دام حبكـ بي خيالي خل يصير اللـي يصيـر
والقنـاع اللـي لبستـه ما يغيـر هالمسـار
كل واحد في غرامه يمتلـكـ قلـب وضميـر
جيت لكـ موت وتحدي .. لو تبي جيت إنتحار
المهم إبقى عشانـكـ دام حبـكـ بـي خطيـر
كيفها عيونكـ حبيبـي لـو تناظـر بإحتقـار
دام أنا بعينكـ حقيره أعشقكـ يا أعظـم حقيـر
خلها تطـول المسافـه مـا أمـل الإنتظـار
دام أشوفكـ في خيالي عاشـقٍ مالـه نظيـر
ودامها صارت تحدي ما أحب لعب الصغـار
وأبتدي أقنع عيوني بس تشوفكـ هـي كبيـر
وأعلن سيوف التحدي وأرفعكـ فـوق الكبـار
وكل شامخ في طريقكـ أجبره يبقـى صغيـر
وساحة الشعر بمداها تصبـح لعينـكـ قطـار
كلها تهون لقصيدكـ بـس تهنـى بالمسيـر
دوم أنا أبقى قويه .. بس أحـس بإنكسـار
تدري وش يعني شموخٍ داخله يبقى كسير ؟؟
تدري وش يعني عظيمٍ .. تشعره بالإنهيار ؟؟
تدري وش يعني غرامٍ مابه إنسانٍ يغيـر ؟؟
تدري وش يعني حبيبٍ راح عنكـ وإستدار ؟؟
تدري وش يعني بروده يشعلكـ نار السعير ؟؟
كلها تهون لعيونكـ وأشعـر إنـي بإنتصـار
وأمسكـ النـار بيدينـي ولا أفكـر بالمصيـر
دامكـ المـوت الحقيقـي ياحـلاة الإحتضـار
تزرع الشوكـ بطريقي أمشي وأتخيـل حريـر
التحدي هو غرامـي ولا أعـرف الإنحـدار
ولذة السكر هوايه تخجـل الوضـع المريـر
شفتني كيف أنتهي بكـ شفتني يا أحلى مـرار
لجلـكـ أجبـر هالمربـع يا عذابـي يستديـر
ولجلكـ عيـون البرايـا كلهـا منـي تغـار
وكل ما سافر مدينـه خافقـي لعينـكـ سفيـر
تمطر الدنيا غيـومٍ برقهـا يضـوي شـرار
والصحاري كلها لـكـ وردةٍ وسـط الغديـر
والمسافه لـو بعيـده مـا أمـل الإختصـار
ما تهـم الجاذبيـه دام أنـا لعينـكـ أطـيـر
كلهم قالوا غريبه وين عقلكـ .. كيف طـار ؟؟
قلت أنا للـي خذانـي وإبتعـد عنـي كثيـر
يستشير الكـون لكـن ما يفيـد المستشـار
هو عقب نظرة عيوني .. به عيونٍ يستشير ؟
تحياتي أخوكم
الـ ـمـ ـبـ ـ ـ دع
الأحد يونيو 01, 2008 9:16 am
